Charla informativa sobre as axudas para a rehabilitación de vivendas e edificios no ámbito do Camiño de Santiago
- Detalles
- Publicado: Jueves, 03 Marzo 2016 19:07
- Escrito por C. T.
Celebrarase o martes 8 de marzo, ás 17h, na Sala Félix Rodríguez da Área Panorámica
O próximo martes, 8 de marzo, ás 17h, na Sala Félix Rodríguez na Área Panorámica celebrarase unha charla informativa sobre as axudas para a rehabilitación de vivendas e edificios no ámbito área de rehabilitación integral (ARI) dos camiños de Santiago, entre os que se atopa o Concello de Tui.
Publicidad
En concreto pódense beneficiar destas achegas os veciños das parroquias de Randufe, Rebordáns, Ribadelouro e O Sagrario por onde pasa o traxecto do Camiño Portugués a Santiago.
Técnicos do Instituto Galego da Vivenda e Solo (IGVS) serán os responsables de impartir a charla informativa dando conta do proceso para solicitar as axudas do programa “Vivendas do Camiño”, das actuación subvencionables e resolvendo ás dubidas que poidan ter os asistentes.